СӨ ИДьМ 1 №-дээх полиция отделын үлэһиттэрэ уонна СӨ суолга куттал суох буолуутун иниспиэксийэтин анал батальонун иниспиэктэрдэрэ оскуола оҕолорун халыыр 21 уонна 19 саастаах уолаттары туттулар. Бастаан массыыналаах уолу олунньу 9 күнүгэр Лермонтов уулуссатыгар, онтон сарсыныгар – доҕорун.
Буруйданааччылар 18 саастаах 11 кылаас үөрэнээччитин дьиэтигэр тиийэн, массыынаҕа ыҥыран ылбыттар. Бастаан харчы көрдөөбүттэр, онтон батыммытыгар төлөпүөнүн былдьаан ылбыттар. Тэйиччиттэн кини аатыгар кирэдьиит уонна сойуом ыла сатаабыттара сатамматах. Онуоха буруйданааччылар уол төлөпүөнүн илдьэ баран комиссионнай маҕаһыыҥҥа туттарбыттар.
Полиция үлэһиттэрэ 21 саастаах уорбаланааччы эрдэ 8 кылаас үөрэнээччититтэн эмиэ төлөпүөнүн былдьаан ломбардка туттарбыта биллэн тахсыбыт. Онон, РФ Холуобунай кодексын "Халабыр" 161 ыст. 2 ч. дьыала тэрилиннэ. Бу ыстатыйанан уолаттар 7 сылга диэри хаайыыга барыахтарын сөп. Силиэстийэ бара турар.
Бэйэ кэр.
