Саастыылааҕын өлөрбүт оҕону холуонньаҕа ыыттылар

Мэҥэ Хаҥалас оройуоннааҕы суута сааһын ситэ илик уолу, сорунан туран саастыылааҕын доруобуйатыгар ыар хоромньуну оҥорон өлүүгэ тиэрдибитин иһин, РФ ХК 111 ыстатыйатын 4 чааһынан буруйдааҕынан билиннэ.

Быһылаан Майа сэлиэнньэтигэр волейбол былаһааккатыгар буолбут. Уолаттар икки ардыларыгар мөккүөр тахсан охсуһуу саҕаламмыт. Онуоха буруйданааччы утарсааччытын үлтү кырбаабыт, ол иһигэр төбөтүгэр тоҕустан аҕыйаҕа суох охсууну оҥорбут.  

Кырбаммыт оҕо, төбөтө-мэйиитэ эчэйэн, балыыһаҕа тиийэн тыына быстыбыт. Онон, суут эдэр өлөрүөхсүтү, түөрт сылга көҥүлүн быһан, иитэр холуонньаҕа ыытта. Үрдүкү суут бириигэбэри оннунан хаалларда.

Бэйэ кэр.