Нам сэлиэнньэтигэр массыынаҕа гаас баллон дэлби тэбиитин түмүгэр чааһынай дьиэ. Гараж уонна икки массыына кытарарга былдьаннылар.
Саха сирин баһаары бохсор судаарыстыбаннай сулууспата иһитиннэрэринэн, Рыкунов уулуссатыгар быһылаан буолбутун туһунан иһитиннэрии алтынньы 18 күнүгэр, сарсыарда 7 ч. 19 мүн. киирбит.
Баһаарынайдар тиийэллэригэр уот дьиэҕэ, сыста турар гаражка уонна икки массыынаҕа – Toyota Prado уонна Toyota Caldinaҕа тарҕаммыт. Баһаар уопсай иэнэ 128 кв.м. Баһаар массыынаҕа гаас баллон тоҕо барбытыттан сылтаан тахсыбыт. Дьолго ким да эмсэҕэлээбэтэх.
