Булуҥ улууһугар олохтоох баан салаатыттан 70 000 солкуобайы уордулар. Түүлээх уллуҥахтар баан дьиэтигэр түүн үөһэ түннүгү алдьатан киирбиттэр. Бу туһунан ИДьМ пресс-сулууспата суруйар.
Ол эрээри, уоруйахтар көҥүлгэ өр көччүйбэтэхтэр. Полиция үлэһиттэрэ 14 саастаах икки уолу туппуттар.
Суруйалларынан, уолаттар дэриэбинэ баанын халыырга оҥостубуттара ырааппыт эбит. Онон эрдэттэн бааҥҥа сылдьан устар камералар суохтарын билбиттэр уонна ол түүн түннүгү алдьатан киирэн, хоппо иһигэр хараллан сытар 70 тыһыынчаны хаамтаран барбыттар. Өлүү түбэлтэлээх, ол күн баан үлэһитэ харчытын сиэйпэтигэр угарын умнан бараахтаабыт.
Бу дьыаланан холуобунай дьыала көбүттүлэр.
