Анаабыр улууһугар уматык ыскылаатын (нефтебаза) сиригэр бензовоз массыына умайда, суоппара суорума суолланна. Бу туһунан ДьУоХХ (ЖКХ) пресс-сулууспата иһитиннэрэр.
Бүгүн, тохсунньу 23 күнүгэр Үрүҥ-Хайа сэлиэнньэтигэр, 13:02 чааска массыына умайбытын туһунан иһитиннэрии киирбит. Уматык ыскылаата “Анаабыр Алмаастара” хампаанньа бас билиитэ буолар.
“ДьУоХХ (ЖКХ) Анаабырдааҕы филиалын дириэктэрэ Вячеслав Мусихин иһитиннэрбитинэн, “Урал 66172” массыына цистернатыгар хочуол уматыгын кутууга бастаан тыас тахсыбыт онтон массыына умайбыт”, – диэн пресс-сулууспа иһитиннэрэр.
Быһылаан түмүгэр 1964 сыллаах төрүөх эр киһи суорума суолламмыт. Уоту баһаарынай чаас үлэһиттэрэ умуоран, массыынаны тэйиччи соспуттар. Быһылаан тахсыбыт төрүөтүн быһаарарга аналлаах хамыыһыйа тэриллэр.
