Ханна да үлэлээбэт 28 саастаах дьахтар эр киһини үөҕэн 2000 солк ыстарааптанна.
Дьокуускайдааҕы прокуратура уураҕынан ханна да үлэлээбэт эдэр дьахтар 57 саастаах эр киһини быдьар тылынан үөҕэн административнай эппиэтинэскэ тардылынна.
Ааспыт сыл алтынньытыгар атыы-эргиэн киинигэр, тыллааччыны эдэр дьахтар быдьар тылынан үөхпүт уонна төлөпүөнүгэр устан “WhatsApp” тарҕаппыт.
Дьахтар административнай эппиэтинэскэ тардылынна уонна 2000 солк ыстарааптанна. Бу туһунан СӨ прокуратуратын пресс-сулууспата иһитиннэрэр.
