Киир

Киир

Мииринэй оройуонун Чернышевскай бөһүөлэгэр олорор 57 саастаах дьахтары массыанньыктар төлөпүөнүнэн албыннаан 1,6 мөл солк уорбуттар.

Эмсэҕэлээбит дьахтар былырыын “Crypto 5” диэн форекс-брокерскай хампаанньаҕа киирбит уонна 1100 евроны укпут. Бу харчытын төттөрү ылбатах. Бу сыл кулун тутар ыйыгар киниэхэ биир киһи эрийэн харчытын төнүннэрэригэр көмөлөһүөн сөбүн туһунан эппит. Ол туһугар анал сыһыарыыга киирэн харчы угуохтааҕын кэпсээбит.

Дьахтар туох баар персональнай дааннайдарын этэн туран кини эппитин барытын толорбут. Ол кэнниттэн массыанньык дьахтар сөбүлэҥин ылан 400 тыһ солк суумаҕа кирэдьиит ылбыт. Ол харчыны тута устубут. Дьахтар албыннаппытын сэрэйэн хаартатын заблокируйдаабыт.

Сарсыҥҥы күнүгэр ол киһи иккистээн эрийбит уонна укпут харчытын төнүннэрэригэр өссө кирэдьиит ылыахха наадатын эппит. Дьахтар 400 тыһ солк тоҕо устубуттарын ыйыппытыгар, үп боппуруоһугар кинитээҕэр үчүгэйдик быһаарсалларын эппит. Дьахтар бу сырыыга эмиэ итэҕэйэн бааҥҥа 300 тыһ солк суумалаах кирэдьиит хаартатын ылбыт уонна били аккауҥҥа сыһыарбыт. Ол харчыны тута устубуттар.

Массыанньык бу харчыны барытын төнүннэрэрин туһунан тылыгар киллэрэн 600 тыһ солк уонна 300 тыһ солк суумалаах икки кирэдьиити ылларбыт. Дьахтар ону барытын толорбут.

Инньэ гынан, массыанньыктар 1,6 мөл тахса солк уорбуттар.

Санааҕын суруй