Ыам ыйын 5 күнүгэр Москубаҕа Шереметьево аэропортка “SSJ-100” диэн сөмөлүөт умайан 41 киһи суорума суолланна. Онон сибээстээн Мурманскай уобалаһыгар үс күннээх траур биллэрилиннэ. Ол туһунан уобалас губернатора Андрей Чибис суруналыыстарга иһитиннэрдэ.
Андрей Чибис: “Бу быһылааҥҥа хомойуох иһин 41 киһи суорума суолламмыта билиннэ. Билигин олортон хас киһи Мурманскай уобалас олохтооҕо буолара быһаарыллар. Үлэ түүнү быһа ыытыллыа. Бу күнтэн Мурманскай уобалаһыгар үс күннээх траур биллэрилиннэ”.
“Аэрофлот” хампаанньа “Sukhoi Superjet 100” диэн сөмөлүөтэ Москубаттан Мурманск куоракка көтөн иһэн Шереметьево аэропортка суһаллык төннүбүтэ. Көтөр аал иккис холонуутуттан сири булбута уонна умайбыта. Бүтэһик көрдөрүүнэн 41 киһи суорума суолламыт.
