Алдан өрүскэ ыытыллыбыт эриэйдэ түмүгүнэн Кыһыл кинигэҕэ киирбит балыктары сокуона суох бултааһыҥҥа холуобунай дьыала тэрилиннэ. Бу туһунан СӨ прокуратуратын пресс-сулууспата иһитиннэрэр.
Бу сыл кулун тутар ыйыгар Росрыболовства Ленскэйдээҕи салалтатын инспиэктэрдэрэ Намҥа уонна Уус Алдаҥҥа түһэр Алдан өрүскэ эриэйдэ ыыттылар. “Эриэйдэ кэмигэр муус анныттан сокуона суох үтүллүбүт сэттэ илимтэн Кыһыл кинигэҕэ киирбит 68 хатыыс тутулунна”, – диэн иһитиннэриигэ суруллар.
Саха сиринээҕи айылҕаны харыстыыр прокуратура бэрэбиэркэ матырыйаалларын силиэстийэлиир уоргаҥҥа ыытта. Ону көрүү түмүгүнэн холуобунай дьыала тэрилиннэ диэн биэдэмистибэ пресс-сулууспата иһитиннэрэр.
