Киир

Киир

44 саастаах Уус Алдан улууһун олохтооҕо дьахтар 29 саастаах Таджикистантан төрүттээх эр киһини кытта сымыйанан ыал буолбуттар. Бу туһунан ИДьМ Саха сиринээҕи салаатын пресс-сулууспата иһитиннэрэр.

Ааспыт сыл алтынньы ыйыгар миграция салалтатыгар 29 саастаах Таджикистантан төрүттээх эр киһи Арассыыйа сиригэр-уотугар быстах кэмҥэ олорор туһунан көҥүл ыларга сайабылыанньа биэрбит. Кини докумуоннарын кытта 44 саастаах Уус Алдан улууһун олохтооҕо дьахтары кытта ыал буолбут туоһу докумуонун биэрбит. Бэрэбиэркэ түмүгүнэн “кэргэнниилэр” ыал буолуохтарыттан бииргэ олорботохторо, биир хаһаайыстыбалара суоҕа биллибит. Дьахтар быһаарбытынан кинилэр сымыйанан эр ойох буолбуттар. Эр киһи АФ быстах кэмҥэ олорор көҥүл, кэлин гражданство ылар сыаллаах. Бэрэбиэркэ түмүгүнэн Дьокуускай куораттааҕы суут ыал буолбут туоһу докумуоннарын дьиҥэ суоҕунан аахта”, — диэн иһитиннэриигэ суруллар.

 News.Ykt.Ru

Тарҕат:

Санааҕын суруй