Ньурба улууһугар орто саастаах эр киһи төлөпүөнүн сүтэрбит, эргэ төлөпүөн буолан улахаҥҥа уурбатах. Онтуката сүппүт төлөпүөнүн нүөмэригэр баанын картата сыһыарылла сылдьар эбит. Инньэ гынан, счетуттан 100 000 солк харчытын уордарбыт.
34 саастаах эрдэ сууттана сылдьыбыт эр киһи төлөпүөнү булан мобильнай баан көмөтүнэн харчыны устубут. 40 500 солк аһыы утах, ас атыылаһан аһаабыт. Киниэхэ “Уоруу” диэн ыстатыйанан холуобунай дьыала тэриллибит. Уорбаланааччы быстах кэмҥэ изоляторга сытар диэн пресс-сулууспа иһитиннэрэр.
