Чурапчы улууһугар 22 киһи шаурма астан сүһүрбүт. Олортон аҕыһа оҕо.
Роспотребнадзор улуустааҕы салаатын бэрэстэбиитэлэ этэринэн, дьон “Шаурма” кафе аһыттан сүһүрбүт. От ыйын 29 күнүгэр 22 киһи мэдиссиинэ өҥөтүнэн туһаммыт. Олортон аҕыһа оҕолор. Бу Чурапчы, Дириҥ уонна Төлөй олохтоохторо. Билигин эмсэҕэлээбит дьонтон 20 киһи стационарга эмтэнэр.
“Силиэстийэ түмүгүнэн мэдиссиинэ көрүүтүн барыыга, гигийиэнэни тутуһууга, аһы харайыыга, санитарнай ирдэбилгэ кэһиллиилэр бааллара билиннэ. Кафе аһыттан боруоба ылылынна”, – диэн иһитиннэриигэ суруллар.
Административнай быраабы кэһии бэлиэнэн административнай дьыала оҥоруу тэрилиннэ. Кафе үлэтэ тохтотулунна.
