Бүлүү улууһун үс нэһилиэгин баһылыктара нэһилиэнньэни ыксаллаах балаһыанньаттан көмүскүүр миэрэлэри ылбатахтарын иһин буруйданнылар. Кэһиини улуустааҕы прокуратура арыйда. Бу туһунан надзорнай уорган пресс-сулууспата иһитиннэрэр.
Бүлүү улууһун прокуратурата уонна нэһилиэнньэ олоҕор куттал суох буолуутун хааччыйар департамент исписэлиистэрэ, ойууру уоттан харыстыыр сокуону толорууну бэрэбиэркэлээтилэр. Ол түмүгүнэн Кыһыл-Сыыр, Чочу уонна I Тоҕус нэһилиэктэр баһылыктара ыксаллаах балаһыанньаҕа дьону хайдах сэрэтэр уонна ону туоратар туһунан былаан, миэрэ ылбатахтар.
Прокуратура от ыйыгар нэһилиэктэр баһылыктарыгар түһэрии киллэрбит. Ону таһынан, административнай быраабы кэһиигэ дьыала тэрийбит. Түһэриини көрүү түмүгүнэн кэһиллиилэр туоратыллыбыттар. Билигин административнай дьыаланы көрүү түмүктэннэ, буруйдаах баһылыктар биирдии бэйэлэрэ 10 000 солк ыстарааптаннылар.
