Дойду бэрэсидьиэнэ Владимир Путин ЫБММ, ИДьМ уонна силиэстийэлиир кэмитиэт уонтан тахса үрдүк сололоох үлэһиттэрин дуоһунастарыттан уһулар туһунан ыйаахха илии баттаата.
Ол курдук, ИДьМ Тюмень уобалаһын салаатын начаалынньыга, полиция генерал-мойуора Юрий Алтынов, ЫБММ иһитиннэрэр технологиялар уонна сибээс салаатын начаалынньыга, генерал-мойуор Сергей Власов, ЫБММ баһаарга бэлэмнээх буолуу департаменын дириэктэри солбуйааччы, генерал-мойуор Владимир Дежкин, ЫБММ Крымнааҕы салаатын начаалынньыга, генерал-мойуор Александр Еремеев, СК сүрүннүүр салаатын төрдүс силиэстийэлиир салаатын салайааччы Руслан Ибиев, ЫБММ Кировскай уобалаһын сүрүннүүр салаатын начаалынньыга Михаил Лихачев, ЫБММ баһаарга бэлэмнээх буолуу департаменын дириэктэрэ Максим Максименко, ИДьМ сүрүн инспектора, полиция генерал-мойуора Ефрем Романов уонна Карачаево-Черкесскэй өрөспүүбүлүкэтин ис дьыала миниистирэ Игорь Трифонов үлэлэриттэн уһулуннулар.
