Благовещенскай – Хэйхэ хонтуруоллуур пууҥҥа 4 кг тахса ыйааһыннаах сэлии муоһун уонна 1,5 кг ыйааһыннаах тыатааҕы баппаҕайын туттулар.
Кытай дьахтара сэлии муоһун тас таҥаһын иһигэр кистээн оттон баппаҕайы суумкатыгар уган кыраныыссаны туората сатаабыт. Киниэхэ Благовещенскай таможнята административнай дьыаланы тэрийбит. Тутуллубут табаары экспертизэҕэ ыыппыттар. Бу туһунан Благовещенскай таможнятын пресс-сулууспата иһитиннэрэр.
Бу сылга биэдэмистибэ үлэһиттэрэ Арассыыйа уонна тас дойду олохтоохторо Кытайга тыатааҕы тыҥыраҕын, муора балыгын искэҕин, сэлии муоһун таһаара сатаабыт хас да түгэни туттулар.
Санатар буоллахха, Кытайга тыатааҕы баппаҕайа бастыҥ аһынан ааҕыллар. Ону таһынан, мэдиссиинэҕэ эмиэ туһаналлар. Оттон сэлии муоһа араас киэргэллэри оҥорууга туттуллар.
