Саха сирин быыһыыр сулууспата Эдьигээн улууһугар Өлүөнэ өрүскэ түспүт КАМАЗтан өлүктээхтэри хостоотулар. Бу туһунан ЫБММ пресс-сулууспата иһитиннэрэр.
Силиэстийэлиир кэмитиэт иһитиннэрэринэн, Эдьигээн Кыстатыамыгар айаннаан испит КАМАЗ ахсынньы 25 күнүгэр Хороҥку өрүс үөһүгэр муус анныгар барбыт.
“Дьокуускайтан Булуҥ Күһүүрүгэр бородуукта тиэниилээх 6 КАМАЗ холоннаннан айаннаан испит. Онтон бастакылаан уона үһүстээн испит КАМАЗ муус анныгар барбыт. Бастакы массыынаҕа баар 1966 уонна 1964сыллаах төрүөх кэргэнниилэр бүтүннүү уу анныгар барбыттар”, - диэн эрэгийиэннээҕи Следком иһитиннэрэр.
Үһүс массыына аҥарынан түспүт, онно олорсон испит эр киһи уонна дьахтар быыһаммыттар. Кинилэри оройуоннааҕы балыыһаҕа илдьибиттэр.
