“Tasnim” Ираннааҕы ааҕыныстыба иһитиннэрэринэн, “Boeing 737” Украина сөмөлүөтэ Имам Хомейн аатынан Тегеран аэропордугар сууллубут.
Сөмөлүөккэ уопсайа 177 киһи, олортон тоҕус экипаж чилиэттэрэ көтөн испиттэр. “Reuters” Ираннааҕы судаарыстыбаннай телевидениеҕа сигэнэн иһитиннэрэринэн, сөмөлүөккэ баар дьон бары өлбүттэр. Бу иһитиннэриини кэлин Украинатааҕы МИД бигэргэппит. Украина бэрэсидьиэнэ Владимир Зеленскай “Facebook” нөҥүө кутурҕанын тиэрдэр. Билигин саахал тахсыбыт сиригэр силиэстийэлиир бөлөх үлэлиир.
