Амма улууһун борокуратуурата оҕолорун кутталлаах быһыыга хаалларбыт 29 саастаах дьахтарга тэриллибит холуобунай дьыала буруйдуур түмүгүн бигэргэттэ уонна суут көрүүтүгэр ыытта. Дьахтары Арассыыйа ХК 125 ыст. (кутталга хаалларыы) уорбалыыллар.
Силиэстийэ быһаарбытынан, уорбаланааччы, арыгы иһэр баҕаттан, 9 ыйдаах оҕотуттан 7 сааһыгар дылы 4 оҕотун бэйэлэрин эрэ туох да аһа-үөлэ, уута-хаара суох хааллартаан барбыт, эбиитин ааны таһыттан хатаан кэбиспит. Икки суукка устата оҕолор барахсаттар бэйэлэрэ эрэ хаалан олороохтообуттар. 7 саастаах кыысчаан 9 ыйдаах сурдьун “Сопьо Крима” үүт бороһуогун бөтүөнтэн тымныы ууну ылан суурайан иһэрдэ сатаахтаабыт. Оҕолор өлбөт быаларыгар, дьолго, “Үктэл” Амматааҕы социальнай-реабилитациялыыр киин үлэһиттэрэ бэрэбиэркэлии сылдьан түбэһэ биэрэн тыллаан быыһаабыттар.
Сотору кэминэн суут “кэҕэ ийэ” дьыалатын көрөн саҕалыа.
