Дьокуускай куораттааҕы полицияҕа урбаанынан дьарыктанар эр киһи 626 тыһ 800 солк уордарбытын туһунан сайабылыанньа суруйбут. Кини кэпсииринэн, буолаары турар Аан дойду дьахталларын күнүгэр сибэкки атыылаары, Москуба куораттан 20 тыһ тюльпан сибэккини үлэспит.
Ол курдук урбаанньыт “2ГИС” сыһыарыыга кууһунан сибэкки атыылыыр бөдөҥ хампаанньаны булбут уонна сайаапка хаалларбыт. Сотору кэминэн киниэхэ эр киһи эрийэн хампаанньа менеджерэ буоларын уонна “WhatsApp” нөҥүө сиһилии кэпсиэн сөбүн эппит.
Бу күн бассаабынан саайт сыылкатын уонна дуогабар усулуобуйатын ыыппыт. Сибэкки сыаната 350 тыһ солк, оттон тиэрдиитэ 346 тыһ 800 солк тэҥнэспит. Ол курдук бассаап нөҥүө суруйсан урбаанньыт дуогабар түһэрсибит уонна харчытын ыыппыт. Ол кэнниттэн хампаанньа төлөпүөнэ уонна саайтара үлэлээбэт буолбут.
