Кулун тутар 17 күнүгэр 23:20 чааска тыраанспар полициятыгар, Дьокуускай аэропордугар Владивосток – Дьокуускай эриэйсэнэн көтөн кэлбит S7 Airlines сөмөлүөккэ эстэр тэрил баарын туһунан иһитиннэрии киирбит.
Аэропорт пресс-сулууспата иһитиннэрбитинэн, сөмөлүөт аэропортка 23:25 чааска түспүт. Экипаж алта чилиэнэ уонна 101 пассажир, олор истэригэр икки оҕо эвакуацияламмыттар. Росгвардия кинологтара уонна эстэр тэрил тиэхиньиктэрэ көтөр аалы бэрэбиэркэлээбиттэр. Ол түмүгэр эстэр тэрил туһунан иһитиннэрии бигэргэммэтэх. Билигин аэропорт штатнай эрэһииминэн үлэлиир.
