Соторутааҕыта Нидерландыттан кэлбит дьахтартан хоруона-вируһу быһаарар анаалыс ылан Новосибирскайга ыыппыттара, хомойуох иһин анаалыс бигэргэммит. Бу дьахтар хоруона-вируһунан ыалдьыбыт.
Бу туһунан Telegram-ханаалга бырабыыталыстыба бэрэссэдээтэлин солбуйаччы Ольга Балабкина иһитиннэрдэ. Онон билиҥҥи туругунан Дьокуускайга 16 киһи ыалдьыбыта бэлиэтэммит. Олортон аҕыс киһи үтүөрэн балыыһаттан тахсыбыттар. Хаалбыт аҕыс киһи өссө да эмтэнэ сылдьаллар. Ил Дархан Айсен Николаев этэринэн, туруктара кэминэн. Ону таһынан, Айсен Сергеевич ыам ыйын 1 күнүгэр диэри “самоизоляция” эрэһиимин тутуһарга өссө төгүл тоһоҕолоон эттэ.
