Мэҥэ Хаҥалас улууһун нэһилиэгин баһылыга баан каартатын булбут уонна харчытын туттубут. Бу туһунан СӨ борокуратууратын пресс-сулууспата иһитиннэрэр.
Ол курдук, муус устар ыйга баһылык Аллараа Бэстээх бөһүөлэгин остолобуойун аттыгар “Сбербаан” каартатын булбут. Каарта хаһаайына Павловскай нэһилиэгин олохтооҕо эбит. Баһылык каарта харчытынан Аллараа Бэстээххэ уонна Майаҕа ас атыыласпыт. Пин-кода суох туһанар курдук 1000 суума иһинэн атыыласпыт. Уопсайа 5000 тахса солк туттубут.
РФ УК 159.3 ыст. 2 ч. холуобунай дьыала силиэстийэтэ түмүктэммит. Сотору суута буолар.
