Итирдэр утахтары сокуоннайа суохтук атыылааччылары бохсор дьаһаллар чэрчилэринэн, ИДьМ “Якутское” МУ 1-кы, 3-с уонна 4-с полиция отделенияларын учаскыабайдара үс бутлегеры (уоран аһыы утаҕы тиэрдэн биэрээччилэр) туттулар.
Ол курдук, Лермонтов уулуссатын 48-с дьиэтин аттыгар куорат олохтооҕо массыынаннан сылдьан арыгы атыылаабытын тараччы тутан ылбыттар. Маннык бутлегердары салгыы Можайскай уонна Сэмэн Данилов аатынан уулусалларга туппуттар – 35 уонна 39 саастаах эр дьон массынаттан буокка атыылаабыттар. Миэстэтигэр итирдэр утахтары былдьаабыттар, административнай боротокуолу толорбуттар.
Полиция "аны өссө тутулуннахтарына, бу дьон холуобунай эппиэтинэскэ тардыллыахтара" диэн өссө төгүл сэрэтэр. Бу туһунан ИДьМ пресс-сулууспата иһитиннэрэр.
