Хаҥалас улууһугар хоруона вируһунан икки саастаах оҕо ыалдьыбыта бэлиэтэммит. Билигин оҕо аҕатынаан оройуоннааҕы киин балыыһа инфекционнай салаатыгар сыталлар. Бу туһунан “Instagram социальнай ситим нөҥүө улуустааҕы суһал ыстаап иһитиннэрэр.
Эрдэ иһитиннэриллибитин курдук, Саха сиригэр “COVID-19” ыалдьыбыт дьон ахсаана 510-тан 551 диэри элбээбит. Обсерватордарга 600 киһи сытар.
“Ыам ыйын 11 күнүнээҕи туругунан Хаҥалас улууһугар, икки саастаах оҕо ыалдьыбыта бэлиэтэннэ. Оҕо аҕатын кытта киин балыыһа инфекционнай салаатыгар киирбиттэрэ. Атын чугастык алтыспыт дьоно “самоизоляцияҕа” сыталлар”, – диэн суһал ыстаап үлэһиттэрэ иһитиннэрэллэр.
Онон булгуччу дьиэҕитигэр олоруҥ, оҕолоргутун таһырдьа таһаарымаҥ!
