Силиэстийэлиир кэмитиэт Саха сиринээҕи салаатын пресс-сулууспата иһитиннэрэринэн, Сунтаар улууһугар урут сууттана сылдьыбыт, 21 саастаах Сунтаар сэл. олохтооҕор полиция үлэһитин эчэппитин иһин холуобунай дьыаланы көбүппүттэр.
Сунтаар нэһилиэгин биир дьиэтигэр айдаан таҕыста диэн полиция үлэһиттэрин ыҥырбыттар, онно итирик туруктаах уолу туппуттар. Ол кэмҥэ уорбаланааччы полиция дьахтары икки илиитинэн саннытын күүскэ ыгыта баттаабыт, массыынаҕа киллэрбиттэригэр, онно сөп буолбакка аны дьахтары төбөтүнэн сүүскэ охсубут. Уорбаланааччы урут хаста да сууттана сылдьыбыт, онтон иккитэ өссө да боруостана илик буолан, бууннаабыт уолу хаайарга соруналлар.
Хаартыска: dixinews.kz
