Бүгүн, от ыйын 14 күнүгэр, Дьокуускай куораттааҕы суукка Дьокуускай аэропордун урукку генеральнай дириэктэрин, бу иннинэ атын холуобунай дьыалаҕа сууттанан хаайыллыбыт Николай Местниковка тэриллибит эбии саҥа дьыаланы көрөн саҕалаатылар.
Бу сырыыга Николай Местниковы улахан суумаҕа бэриги ылыыга дьүүллүүллэр (Арассыыйа ХК 290 ыст., 290 ыст. 6 ч.)
Силиэстийэ сабаҕалыырынан, Местников 2016 сыл устатыгар биир тэрилтэ дириэктэригэр “үлэҕин туорайдаһыа суоҕум” диэн эрэннэрэн 3,5 мөл. солк. бэриги ылбыт.
Санатар буоллахха, 2019 сыллаахха Николай Местниковы суут 2014-2018 сс. уопсайа 27 мөл.солк. суумалаах бэриги багааһы суулуур уонна аэропорду сууйар-сотор тэрилтэ салайааччыларыттан ылбытын иһин 9 сылга хаайбыттара (эбиитин 10 мөл.солк. ыстырааптаммыта).
