Арассыыйа Силиэстийэлиир кэмитиэтин Саха сиринээҕи управлениетын Илин эҥэрдээҕи оройуоннар икки ардыларынааҕы силиэстийэлиир салаата икки киһини өлөрүүгэ көбүтүллүбүт холуобунай дьыаланы силиэстийэлиир. Бу туһунан кэмитиэт пресс-сулааспата иһитиннэрэр.
Бэҕэһээ, сэтинньи 4 күнүн сарсыардатыгар Амма улууһун Бөтүҥ нэһилиэгэр Михаил Нестерев аатынан уулуссаҕа турар дьиэттэн икки киһи өлүгүн булбуттар. Умайбыт дьиэттэн хаһаайыттары - 50 саастаах дьахтары уонна 46 саастаах эр киһи өлүктэрин булбуттар. Өлүктэри сиһилии үөрэтии кэннэ, бу дьон кытарарга былдьаммакка, киһи илиититтэн өлбүттэрэ биллибит.
Билиҥҥи сабаҕалааһынынан, бу умайбыт дьиэҕэ 58 саастаах эр киһи ыалдьыттыы сылдьыбыт, бииргэ аһаан баран дьиэлээх хаһаайыны кытары бурайсан турбут уонна быһахтаан өлөрөн кэбиспит. Ол бириэмэҕэ хостон дьахтар тахсан кэлбит, онуоха өлөрүөхсүт туоһуну суох гынаары эмиэ быһахтаан өлөрбүт уонна туох да буолбатаҕын курдук дьиэҕэ уот аннаьан баран атахха бэрдэрбит.
Ити киэһэ уорбаланааччыны тараччы тутан ылбыттар. Сотору кэминэн кинини хаайыахтара. Холуобунай дьыала салгыы силиэстийэлэнэр.
