Урут сууттана сылдьыбыт Алдан куоратын олохтооҕо дьахтары кыыллыы кырбаан өлөрөн тутулунна. Бу туһунан Силиэстийэлиир кэмитиэт Саха сиринээҕи управлениетын пресс-сулууспата иһитиннэрэр.
2019 сыл кулун турагыра хаайыттан босхоломмут 34 саастаах дьахтар тохсунньу 14 күнүгэр арыгылаан баран дьүөгэтин 24-тэ этигэр-сиинигэр охсуолаан, тэбиэлээн, бүттэтэ суох кыыллыы кырбаан өлөрбүт. Эмсэҕэлээбит дьахтар быһылаан тахсыбыт сиригэр тута ылбыт эчэйиилэриттэн сырдык тыына быстыбыт. Кырбаабыт дьахтар силиэдэбэтэлгэ кэпсээбитинэн, кини дьүөгэтин бииргэ олорор эр киһитигэр күнүүлээтэх буолан кырбаабыт. Кини бу иннинэ киһини кырбааһыҥҥа уонна уорууга, киһи баайын-дуолун суох оҥорууга сууттанан хаайыыга олорон тахсыбыт. Билигин дьахтарга Арассыыйа ХК 111 ыст. 4 ч. дьыала тэрийбиттэр, силиэдэбэтэл туруорсуутунан тутан хаайбыттар. Дьыала салгыы силиэстийэлэнэр.
