Киир

Киир

Эдьигээн улууһугар почта үлэһитэ сууттанна. Силиэстийэ быһаарбытынан буруйдаах дьахтар хас да ый устата тэрилтэттэн бэйэтигэр 900 тыһыынчаттан тахса солкуобай сойбоппут, харчы сороҕун бэл дьүөгэтигэр иэс биэрбит. Ол туһунан Саха сиринээҕи борокоротуура пресс-сулууспата иһитиннэрэр.

Дьахтары Холуобунай Кодекс 160 ыстатыйатын, 3 чааһынан буруйдааҕынан аахтылар. Тэрилтэ дааннайдарынан, сууттаммыт буруйдаах, олохтоох почта отделениетын салайааччытын солбуйааччытын эбээһинэстэрин толоро сылдьыбыт. Уорааһыннарын кини 2020 сыл, кулун тутар ыйтан – ыам ыйыгар диэри электроннай харчыны ыытыы быһыытынан оҥорбут.

«Итиэннэ, буруйдаах бэйэтин билэр киһитигэр, чугас дьүөгэтигэр тэрилтэ хааһынатыттан иэс харчы биэрэ олорбута биллибит. Тэрилтэҕэ оҥоһуллубут 900 тыһыынча тахса солкуобай хорумньу, силиэстийэ кэмигэр буруйаах бэйэтин кыаҕынан төннөрүллүбүт» - диэн бэлиэтэнэр иһитиннэриигэ.

Сымнатар, алы гынар быһыыны-майгыны учуоттаан туран суут буруйдаахха 2 сыл усулуобунай көҥүлүн быһыы накаастабылы анаата.

Маннык түбэлтэ уопсастыбаҕа кэлин тахса турар буолбута элбээбитэ киһини дьиксиннэрэр.

Тарҕат:

Санааҕын суруй

Бүтэһик сонуннар