Киир

Киир

Үөһээ Бүлүү улууһун 32 саастаах олохтооҕо төрөппүт кыыһын күүһүлээн күлүүс хаайыытыгар уураахтанна. Бу туһунан Силиэстийэлиир кэмитиэт Саха сиринээҕи салаата иһитиннэрэр.

 Силиэстийэ уонна суут быһаарбытынан, бу киһийдэх 2017 сыл муус устарыттан  2020 балаҕан ыйын усталарыгар  төрөппүт кыыһын итирэн кэлэ-кэлэ, ким да суох кэмигэр дьиэтигэр уонна массыынатыгар дьаабылыыр эбит. Бастакы күүһүлээһинигэр кыысчаан 6 эрэ саастаах эбит.  РФ ХК 132 ыст.  4 ч. "б" пуунунан 12 эпизод дакаастаммыт, маны таһынан сууттанааччы оҕотун сөпкө ииппэтэх, көрбөтөх буолан 156 ыст. эмиэ сууттанна. Былырыын балаҕан ыйыгар итирик аҕата кыыһыгар кэлэн саба түһэ сатаабытыгар, кыыс нэһиилэ куотунан, ийэтэ үлэтиттэн кэлээтин кытта "аҕабын кытары олоруохпун баҕарбаппын" диэн ытамньыйбыт уонна бу сыллар усталарыгар туох буолбутун кэпсээн биэрбит. Кыыс ийэтэ онно тута малын хомунан баран, оҕолорун туппутунан  аймахтарыгар куоппут уонна полицияҕа тыллаабыт. Бастаан утаа сууттанааччы буруйун билиммит, онтон кэлин көрдөрүүтүттэн аккаастана сатаабыт. Ол да буоллар, силиэдэбэтэллэр араас эспэртиисэни эҥин ыытаннар, бу киһийдэх буруйун толору дакаастаабыттар. Суут кинини 22 сылга кытаанах эрэсиимнээх күлүүс хаайыытыгар уураахтаата. Эмсэҕэлээбит кыыһы кытары реабилитациялыыр дьаһаллар ыытыллаллар. 

Тарҕат:

Санааҕын суруй

Бүтэһик сонуннар