Киир

Киир

 

Атын мөлтөх хаачыстыбалаах таастарга уларытан, кини алмаастары уорда.

Суут быһаарыбытынан, сууттаммыт киһи өрөспүүбүлүкэ биир хампаанньатыгар алмаас разметчигынан ( луупа нөҥүө алмаас кристалларын көрөн, хайдах бриллианнар бу күндү таастан тахсалларын быһаарар исписийэлиис) үлэлии сылдьан, күндү таастары уларытарга санаммыт, диэн иһитиннэрэр Саха сирин борокоратууратын пресс-сулууспата иһитиннэрэр.

«Маннык сыаллаах, эрдэттэн үлэһэн, буруйдаах бэйэтин билэр киһититтэн үс мөлтөх хаачыстыбалаах алмаас ылбыт, уонна 1,2 мөлүйүөн сыаналаах, хампаанньа үс үчүгэй хаачыстыбалаах алмаастарыгар уларыппыт» - диэн этиллэр иһитиннэриигэ.

Уоруллубут баайынан буруйдаах бэйэтин көрүүтүнэн туһаммыт. Кини Арассыыйа Федерациятын Холуобунай Кодексын 159 ыстатыйатынан, 4 чааһынан “Эрдэттэн бэлэмнэммит, бөлөҕүнэн оҥоһуллубут улахан хорумньулаах түөкүннээһин” буруйдааҕынан билинилиннэ.

Кинини көннөрөр холуонньаҕа икки сыл көҥүлүн быһарга болдьохтоотулар, итиэннэ тэрилтэҕэ оҥорбут хорумньутун толору төннөрөрүгэр күһэйдилэр. Бириигэбэр сокуоннай күүһүгэр киирэ илик, уонна икки өрүттэринэн ааһыныан сөп.

Ону таһынан бэлиэтэнэринэн, суутттаммыт киһиэхэ туһуламмыт холуобунай дьыала анал таһаарыыга таҕыста.

Тарҕат:

Санааҕын суруй

Бүтэһик сонуннар