Арассыыйа Силиэстийэлиир кэмитиэтин Саха сиринээҕи Управлениетын салайааччытын эбээһинэһин толорооччу Мииринэй улууһун баһылыгар Ришат Юзмухаметовка холуобунай дьыаланы көбүттэ. Юзмухаметов Арассыыйа ХК 160 ыст. 4 ч. уорбаланар.
Силиэдэбэтэллэр баһылыгы 12 мөл. солк. сыаналаах муниципальнай дьиэни сокуоннайа суохтук, бэйэтин көрүүтүнэн дьаһайбытыгар уорбалыыллар. Билигин холуобунай дьыала чэрчитинэн дакаастыыр базаны хомуйарга силиэстийэлиир дьаһаллар ыытыллаллар. Кинини тутан хаайар туһунан боппуруоһу быһаараллар.
Бүгүн Мэҥэ Хаҥаластааҕы суут Чурапчы улууһун баһылыгын Андрей Ноговицыны РФ ХК 160 ыст. 3 ч. буруйдааҕынан аахта уонна муниципальнай уонна судаарыстыбаннай уорганнарга салайар үлэҕэ үлэлиирин боптулар. Бириигэбэр сокуоннай күүһүгэр киирэ илик.
