Сунтаар улууһун борокоротуурата 34 саастаах олохтоох дьахтары утары көбүтүллүбүт холуобунай дьыалаҕа судаарыстыбыннай буруйдааһыны өйөөтө. Кини Арассыыйа Федерациятын Холуобунай Кодексын 264.1 ыстатыйатынан ( итирик туруктаах массыынаны эрдэ административнай накаастана сылдьан баран ыытыы) буруйдааҕынан ааҕылынна.
Суукка судаарыстыбыннай буруйдааччы тиэрдибит дакаастабылларынан бигэргэтилиннэ, буруйдаах бу иннинэ итирик туруктаах массыына уруулугар олорон эппиэтинэскэ тардылла сылдьыбытын үрдүнэн, иккис төгүлүн арыгы иһэн хаттаан уруулга олорбут.
Кини сокуоннайа суох дьайыыларын буруйдаах Сунтаартан Тойбохой диэки айаннаан истэҕинэ полиция үлэһиттэрэ тохтоппуттар.
Холуобунай дьыаланы көрүү түмүгүнэн, суут судаарыстыбыннай буруйдааччы сокуоннай ирдэбилин толорон буруйдаах дьахтары 200 тыһыынча ыстараап төлүүрүгэр бириигэбэрдээтэ уонна 2 сыл массыына ыытар быраабын быста.
Бириигэбэр сокуоннай күүһүгэр киирэ илик уонна икки өрүттэринэн ааһыныан сөп.
-Сунтаар улууһугар буруйдаах дьахтарга иккис төгүлүн итирик туруктаах уруулга олорбутун иһин накаастабыл быһыытынан 200 тыһыынча ыстараап ананна, - диэн иһитиннэрэр Саха сиринээҕи борокорортуура пресс-сулууспата.
