Ыам ыйын 24 күнүгэр киэһэ Ленскэй куоратыгар матасыыкыл “КамАЗ” массыыналыын харсыстылар, диэн иһитиннэрэр өрөспүүбүлүкэтээҕи ГИБДД пресс-сулууспата.
Улахан таһаҕас тиэйэр “КамАЗ” массыына 45 –саастаах суоппара, салайыллыбат суол быһа охсуһуутугар кэлэн баран, хаҥас диэки туорааһыҥҥа, бастакы барар бырааптаах 57-саастаах матасыыкылыыска суолу туоруур кыах биэрбэккэ, түҥнэри көттө.
Харсыһыы түмүгэр матасыкылыыс элбэх дьүккү түһүү, баас, сабыылаах тостуулары ылла. Эмсэҕэлээччи суһал көмө биригээдэтинэн Ленскэй куорат балыыһатыгар госпитализацияламмыт. Суол саахала буолар кэмигэр матасыкылыыс көмүскүүр экипировкалаах сылдьыбыт – мотошлемнаах уонна көстүүмнээх.
Матасыкылыыс быһаарбытынан, кини, “КамАЗ” хаҥас туораан эрэрин көрөн, суһал туормастааһын ньыматын туһаммыт, матасыыкылын ойоҕоһунан сиргэ суулларан. Ол эрээри улахан таһаҕас массыынатыгар диэри баара-суоҕа 10 эрэ миэтэрэ буолан, харсыһыыттан куотан биэрии хомойуох иһин табыллыбатах.
, “КамАЗ” суоппара, бэйэтин өртүттэн быһаарбытынан, хаҥас диэки туорааһыҥҥа, кини көрбүтүнэн, “туох эрэ кэлэн көлүөһэтигэр көтөн түспүт” уонна кини тута туормаһын баттаабыт. Суоппар бэйэтэ туох да буолбатах, эчэйбэтэх.
Икки суоппардар күн өйдөрүнэн сылдьыбыттара биллибит, арыгы испэтэхтэр. Иккиэннэригэр тимир көлөнү ыытарга туох баар эппиэттэһэр докумуоннара баара биллибит. Суол саахалыгар бэрэбиэркэ ыытыллар.
