Киир

Киир

22 саастаах Никита Сергеевы чугас дьоно көрдөөбүттэрэ бэһис сууккатыгар барда.

Никита ийэтэ кэпсииринэн, кини уола ыам ыйын 24 күнүгэр тахсан барбыт.

-Уолбут биһигини кытары олорор, туох да этиһии, киҥир-хаҥыр саҥарсыы суох этэ. Никита ханна эмит хоно барар, доҕотторугар барар буоллаҕына өрүү сэрэтээччи. Биһиги билбэппит кини массыыната хайдах Табаҕа Тумуһугар баар буолан хаалбытын. Никита төлөппүөнүн массыынатын иһиттэн булбуттара. Олус дьиктитик эмпэрэ туруору мыраан үрдүгэр сууллуохча турар массыыннатын, Табаҕа Тумуһугар сынньана сылдьааччылар көрбүттэр уонна полицияҕа тыллаабыттар. Биһиги тыаны тараахтаан көрдүүбүт, үөһэттэн көтөр дроннары ыыттыбыт. Туһа суох. Быыһыыр Сулууспа үлэһиттэрэ көрдүү сылдьаллар. Никита итинник ылла да сүтэн хаалыан сатаммат. Кини массыынатан күлүмүрдэс - Nissan Tiida –ны баҕар алҕас ким эрэ аара суолга ол күн көрбүтэ буолуо.

Баһаалыста ким кинини көрбүт, тугу эмит истибит буоллаҕына бу төлөппүөннэринэн биллэрэргитигэр көрдөһөбүн.

Көрдүүбүт Сергеев Никита Спартаковиһы, 1999 сыллаах төрүөх. 180 см үрдүк уҥуохтаах, хатыҥыр. Хара бомбер-куртакалааҕа, спортивнай ыстааннааҕа кроссовкалааҕа. Биллэрэр төлөппүөҥҥүт: 8914 231-16-04, 8914-224-75-42.

Тарҕат:

Санааҕын суруй