Бэс ыйын 16 күнүгэр «Бүлүү» федеральнай массыына суолугар, 1770-ус килэмиэтиригэр, өлүү түбэлтэлээх суол саахала буолла, диэн иһитиннэрэр Саха Сиринээҕи ИДЬМ УГИБДД пресс-сулууспата.
Эрдэттэн быһаарыллыбытынан, киэһэ 16:30 саҕана, 29-саастаах LADA Largus, Ленскэй куораттан Мииринэй куорат диэки айаннаан иһэн, иннигэр куттал суоҕун көрбөккө эрэ атын массыынаны ситээри гыммыта биллибит.
«Атын массыынан ситэн ылыы түмүгэр, Toyota Land Cruiser 200 массыынаны кытары утары харсыһыы оҥорбут», - диэн этиллэр иһитиннэриигэ
Иһитиннэриигэ бэлиэтэммитинэн, суол саахалын түмүгэр LADA Largus суоппара тута миэстэтигэр өлбүт, оттон кини пассажирдара итиэннэ Toyota Land Cruiser 200 суоппара эчэйии ыллылар.
Сабаҕалааһын быһыытынан, LADA Largus массыынаҕа суут приставтара айаннаан испиттэр.
Бүтэһик нэдиэлэ устата, Саха Сирин үрдүнэн бу номнуо төрдүс суол саахала, киһи өлүүлээх. Бу иннигэр, өлүү түмүктээх суол саахаллара Үөһээ Бүлүү, Томпо, Алдан улуустарыгар буолуталаабыттар. Бэлиэтэммитинэн, бу түбэлтэлэр барыта бэс ыйын 12 күнүгэр суукка араас кэмнэригэр буолбуттар.
Бэс ыйын 11 күнүттэн 30 күнүгэр ГИБДД күүстээх сулууспа эрэсиимигэр көстө
Суолларга ДПС нэрээттэрэ элбээтилэр. Бу барыта суолларга саахал элбээбитин кытары ситимнээх.
