Эр киһи кыра гостиница администратора кинини сэмэлээбитигэр өһүргэммит уонна Быыһыыр сулууспаҕа төлөпүөнһнэн эрийэн тиийэн, бу дьиэҕэ буомба ууруллубутун туһунан биллэрбит.
Суукка быһаарыллыбытынан, былырыын бэс ыйыгар, сууттанааччы итирик туруктаах сылдьан кыра гостиница таһыгар баар буолан хаалбыт. Кини субонуогун кэнниттэн миэстэҕэ быраабы араҥаччылыыр уорганнар үлэһиттэрэ кэлэн кыра гостиницаҕа эстэр эттиктэри көрдөөн баран булбатахтар.
Суукка эр киһи буруйун толору билиммит. Суут ыарахан быһыыны-майгыны булбатах, маны таһынан сууттанааччы тус бэйэтин туһунан дааннайдары учуоттаата уонна үс сылга көҥүлүн быһыыга биир сыл тургутан көрөргө усулуобунай болдьохтоох накаастабыл анаата. Бириигэбэр өссө да сокуоннай күүһүгэр киирэ илик уонна өрүттэринэн ааһыныан сөп.
