Саха сиринээҕи ГИБДД пресс-сулууспата иһитиннэрэринэн, атырдьах ыйын 18 күнүгэр, киэһэ 21:20 бириэмэҕэ, Халтурина уулусса 4 №-дээх дьиэтин таһыгар, суол саахала таҕыста. Иниспиэктэрдэр быһаарбыттарынан, 27-саастаах «Toyota Premio» суоппара, Лермонтова уулуссаттан – Халтурина уулуссаҕа салайаары, көҥүлэммэт сиринэн туораан иһэр икки сатыы киһин үнтү көттө. Сааллыы кэнниттэн массыына туора быраҕылынна.
Суол саахалын түмүгэр, икки сатыы дьон миэстэтигэр тыыннара быһынна. Буруйдаах суоппар арыгы испэтэҕэ биллибит, массыына ыыппыт ыстааһа -- тоҕус сыл.
Суол саахалын матырыйааллара силиэстийэлиир уорганнарга атаарылыннылар.
Быһылааны алҕас түбэһэн көрбүт дьону, Госавтоинспекция маннык төлөппүөҥҥэ эрийэн биллэрэргитигэр көрдөһөр: 89841076083
