Киир

Киир

Өрөспүүбүлүкэтээҕи Силиэстийэлиир Кэмитиэт иһитиннэрэринэн, Дьокуускай куоракка эдэр киһи сууттаныа, кини 20 гр наркотигы атыыга батарыыга уура сылдьыыга буруйданар.

Полиция үлэһиттэрин дьаныардаах үлэлэрин түмүгэр, Көтөр баабырыкатын таһыгар, наркотик кистэнэ сытар сирдэрин буллулар, барыта аҕыс мөһөөччүк көһүннэ, уопсайа түөрт грамм ыйааһыннаах.

Дьэгдьийии оҥорон эбии өссө 37 мөһөөччүк буллулар, 16 грамм ыйааһыннаах. Силиэстийэ сабаҕалыырынан эдэр киһи наркотигы салгыы атыылыыр былааннаах сылдьыбыт.

РФ Холуобунай Кодексын 228.1 ыстатыйатынан, 3 уонна 4 чаастарынан холуобунай дьыала көбүтүлүннэ. ( Информационнай-телекоммуникационнай ситимнэри туһанан, эрдэттэн бэлэмнэммит бөлөҕүнэн, наркотическай эттиктэри сокуоннайа суох батарыы).

Холуобунай дьыаланы силиэстийэлээһин түмүктэннэ. Буруйдааһын түмүгэ суукка атаарылынна.

Тарҕат:

Санааҕын суруй

Бүтэһик сонуннар