Киир

Киир

Үҥкүү тыйаатырын урукку буҕаалтыра сымыйаннан аймаҕа дьахтарын үлэҕэ ыллаҕа буолан дуогабар оҥорбут уонна 3 мөл.солк. сиэбит.

Кинини түөкүннээһин чахчытынан сууттаабыттар уонна 5 сылга усулуобунай болдьоххо уураахтаабыттар (4 сыл кэтээн көрөр болдьохтоох). Маны таһынан суут тахсыбыт хоромньуну төлөтөргө быһаарбыт.

Силиэстийэ уонна суут быһаарбытытан, Дьокуускай куорат олохтооҕо, кылаабынай буҕаалтырдаан олорон, хамнас ааҕар докумуоннарга тэрилтэҕэ отой да үлэлээбэт аймаҕын аатын киллэрбит уонна ый ахсын хамнас ыыта олорбут. Уопсайа 3 мөл.солк. ыыппыт. Иккис эпизода маннык: дьахтар уоппускаҕа олорон, кини оннутугар солбуйа хаалбыт буҕаалтыры албыннаан туран, билэр киһитигэр 50 тыһ.солк. ыыттарбыт.

Хомойуох иһин, култуура тэрилтэлэригэр харчыны сиэһин балай да тэнийбит көстүү. 2018-2019 сс. Национальнай художественнай түмэл буҕалтыарыйатын 3 дьахтара уопсайа 40 мөл.солк. уоран сиэбиттэрэ биллибитэ. Кинилэр хамнастан экэниэмийэлэммит харчыттан 14 мөл.солк. бэйэлэригэр ыыта олорбуттара, маны таһынан 26 мөл.солк. аймахтарын эҥин үлэҕэ ыллаҕа буолан ыыта олорбуттара. Суут отдел начаалынньыгын 2 сылга хаайыыга ыыппыта, дириэктэри һп чааһыгар солбуйааччыны Үрдүкү суут сымнатан-сымнатан 1 сыл 8 ый уопсай эрэсиимнээх холуонньаҕа утаарбыта, оттон түмэл кылаабынай буҕаалтыра 3 сылга хаайыллыбыта.

Тарҕат:

Сэҥээриилэр

Уоһук
0 Уоһук 25.09.2021 21:44
Сиэхсит диэн уоруйаҕы буолбакка өлөрүөхсүтү ааттыыллар.
Ответить

Санааҕын суруй