Бөлүүн түүн 2 ч. саҕана Намныыр аартыкка киһи өлүүлээх суол саахала таҕыста.
"Субару Форестер" массыынаннан устудьуоннар хампаанньалара айаннаан испит уонна баҕанаҕа кэтиллэн баран суолтан төкүнүйбүт. Саахал түмүгэр кэннинээҥи миэстэҕэ олорсон испит 18 саастаах уол тута суорума суолланна, биир эмсэҕэлээччи ыар туруктаах балыыһаҕа сытар. Суоппар арыгы иһэн баран уруулга олорбут – 0,40 мг/л үрбүт, суоппардыыр быраабын бу дьыл муус устарыгар ылбыт. Кини уруулга олорон "утуйан хаалбытым" диэн быһаарыы биэрбит, иниспиэктэргэ биир бааҥка пиибэни испитин туһунан билиммит. Билигин суоппары силиэдэбэтэл ИВСка укта, быһылаан чахчытынан силиэстийэлиир дьаһаллар ыытыллалар.
Сэҥээриилэр
Ити этиигит тыһы биэ диэбит курдук.