Киир

Киир

Ыксаллаах быһыы-майгы Министиэристибэтин пресс-сулууспата иһитиннэрэринэн, Мэҥэ-Хаҥалас улууһун Хорообут сэлиэнньэтигэр 64 уонна 63 саастаах дьон түүҥҥү баһаарга өллүлэр. Биир этээстээх мас тутуу түүн 23 чаас саҕана умайбыт. Баһаарынай сулууспа быыһыы кэлбитигэр чааһынай дьиэ сыһыарыы тутуута аһаҕас уотунан күлүбүрүү турар эбит.

Дьиэни уонна сыһыарыы тутууну уот 70 кв.м. иэннээхтик сиэбит. Умайбыт дьиэни ситэри умуллара сылдьаннар, хомойуох иһин, икки киһи өлүгүн булбуттар: 1957 с.т. эр киһини уонна 1958 с.т. дьахтары.

Алдьархай миэстэтигэр Арассыыйа ЫБМ дознавателлэрэ уонна Силиэстийэлиир кэмитиэт үлэлии сылдьаллар. Баһаар буолбут биричиинэтэ уонна уопсай хоромньута быһаарыллар.

Баһаары умулларыыга олохтоох баһаарынай чаас сулууспатыттан икки баһаарынай тиэхиникэ уонна 10 киһи үлэлээбит.

Тарҕат:

Санааҕын суруй