Киир

Киир

Саха сиринээҕи ИДЬМ пресс-сулууспата иһитиннэрэринэн, Мииринэй куорат  баанын хассыыра бөдөҥ суумма харчыны куорҕалааһыҥҥа уорбаланар.

Ревизия түмүгүнэн, бөдөҥ харчы сууммата итээбитин туһунан сайабылыанньа Мииринэй куорат полициятын отделыгар киирдэ. Силиэстийэ быһаарбытынан, харчы уоруутугар 31 саастаах баан үлэһитэ сыһыаннааҕа биллиннэ. 2020 сыл кулун тутарыттан 2021 сыл балаҕан ыйыгар диэри хассыыр тохтоло суох хаассаттан харчы уора сылдьыбыт.

Иһитиннэриигэ этиллэринэн: «Уоруллубут үбү дьахтар атын бааҥҥа арыйтарбыт бэйэтин усчуотугар көһөрөн испит уонна виртуальнай казиноҕа сүүйтэрбит».

Харчы итээбитин кистэнээри, дьахтар көмпүүтэр бырагыраамматыгар сымыйа сибиэдэнньийэлэри угар эбит, ревизия аахтарын уларыппыт.

Уорбаланааччы барыта 27 мөл. солк. бэйэтигэр иҥэриммит. Дьахтар бу үбү барытын төннөрүөм диэн мэктиэ тылын биэрдэ. «Уоруу уонна бэйэҕэ иҥэринии» диэн   РФ ХК 160 ыстатыйатынан, 4 чааһынан холуобунай дьыала көбүтүлүннэ. Сокуону кэһээччиттэн ханна да айаннаабатын туһунан баппыыска ылылынна.

Тарҕат:

Санааҕын суруй