Киир

Киир

Дьокуускайга Газовиктар уулуссаларыгар «Родник» диэн бородуукта маҕаһыынын уоттаабыттарын видеокамеранан көрбүттэр.

 

Саха сиригэр ыксаллаах быһыы-майгы Министиэристибэтэ биллэрбитинэн, Мархайҕа Газовиктар уулуссаларыгар бородуукта маҕаһыына умайбытын туһунан иһитиннэрии түүн биир чааска киирбит. Баһаарынайдар тиийиилэригэр тутуу хоруобуйатын аннытыттан буруо тахса турар эбит.

«Баһаар түмүгүнэн, маҕаһыын истиэнэтэ уонна өһүөтүн бүрүөһүнэ, уопсайа 8 кв.м. иэн уоттан буортуламмыт. Баһаар буолбут биричиинэтэ - элэктэриичистибэ боруобада кылгас тиксиһиитэ (короткое замыкание). Уоту умулларыыга 3 баһаарынай тиэхиникэ уонна 17 киһи кыттыбыт», - диэн ыксаллаах быһыы-майгы Министиэристибэтин саайтыгар суруллар. Маҕаһыын хаһаайыннара этэллэринэн, тутууга баһаар кэннэ уоту холбообуттарын кэннэ таһыгар турбут видеокамералара дьон соруйан уоттаабыттарын сибиэдэнньэтин булбуттар.

 Хаһаайыннар куорат олохтоохторуттан бу буруйу оҥорбут дьон туһунан тугу эмит билбит-көрбүт, истибит буоллаххытына бу нүөмэргэ биллэрэргитин көрдөһөллөр:

8-914-226-13-95

Тарҕат:

Санааҕын суруй