Киир

Киир

Бу сарсыарда интэриниэт ситиминэн киһи соһуйар, дьиксинэр куһаҕан сонуна тарҕанна. Бөлүүн Кэҥкэмэҕэ биһиги бары билэр, ытыктыыр киһибитигэр Анатолий ЧОМЧОЕВКА сидьиҥ санаалаахтар саба түһэннэр, сырдык тыынын быһа сатаабыттар. 

Анатолий Игнатьевич, быһаҕынан тыҥаҕа анньыллыы кэннэ, билигин суһал көмөнү оҥорор 2№-дээх өрөспүүбүлүкэтээҕи балыыһаҕа ыарахан туруктаах сытар. Ону сэргэ көмүскэнэригэр илиилэрин эчэппит диэн сир аннынан кэпсииллэр.

Бигэргэнэ илик иһитиннэриинэн, Анатолий Чомчоевы өлөрө сатаабыт дьон Росгвардия массыынатынан сылдьыбыттара, оттон биирдэстэрэ охраннай тэрилтэ үлэһитэ буолара биллибит курдук. Үтүө киһи тыыныгар турбут адьарайдар киһини быһаҕынан анньыах иннинэ өссө ытыалаабыт сурахтаахтар.

Бу иэдээннээх быһылааҥҥа туоһу баар диэтилэр. Хата, эмсэҕэлээччи олоҕун аргыһа алдьархай буолар күнүгэр,  кэмпириэнсийэҕэ дакылаат ааҕар буолан, куоракка киирбит.

Хара санаалаахтар Кэҥкэмэҕэ кустуу дуу, арыгылыы дуу , атыҥҥа дуу тиийбиттэрэ билигин биллибэт. Арай Чомчоевтар олорор сирдэригэр, ураты харыстанар сир буолан, кустуур уонна көҥүлэ суох сынньанар көҥүллэммэтэ биллэр. Онон, баҕар, санаалара туолбакка киҥнэрэ-наардара холлубут адьарайдар өстөрүн ситиспит буолуохтарын сөп. Эбэтэр кинилэргэ туох эрэ атын төрүөт баар...

Оттон биһиги, сиэрдээх сахалар, ытыктыыр киһибит этэҥҥэ өрүттэн чөлүгэр киирэрин туһугар Үрдүк Айыылартан, Аар Айылҕаттан көрдөһүөҕүҥ!  

Тарҕат:

Сэҥээриилэр

Зоя
0 Зоя 12.05.2022 14:51
Хара дьайдаах дьону тутан, сокуон хараҕынан толору эппиэттэтиэххэ наада! Суут, мэкчиргэ төбө буолбакка, баарынан, кырдьыктааҕынан буруй сүктэриэхтээх. Росгвардия буоллахтарына, куоттара сатыахтара. Ону хонтуруолга тутарбыт наада буолсу.
Ответить
Мария Сергеева
+1 Мария Сергеева 12.05.2022 15:47
Анатолий Игнатьевич Чомчоевка,сахалар биир тарбахха баттанар үтүөкэн киһибитигэр ,саба түһүү диэн баламат быһыы.Буруйдаахтары булан булгуччу кытаанах эппиэккэ тардыахха!Анатолий Игнатьевич этэҥҥэ үтүөрэригэр баҕарабыт! Диана Васильевнаҕа -эр санааны,үчүгэйгэ эрэли!
Ответить

Санааҕын суруй