Киир

Киир

Бэс ыйын 5 күнүгэр, күнүс 13:30 ч. Чернышевскай уулуссанан кимэ биллибэт суоппар «Тойот Хайс» массыынаны ыытан иһэн, утары суолга тахсан, «Тойота Филдер» массыынаны кытта харсыһан баран, саахал буолбут сириттэн атахха биллэрдэ.

Икки чаас буолан баран, Госавтоинспекция үлэһиттэрэ көрдөөһүн үлэтин ыыппыттарын кэнниттэн, саахал тахсыытыгар буруйдаах суоппары буллулар. Буруйданааччы - 1969 с. төрүөх, итирик туруктаах эр киһи.

Ол киэһэ, Бүлүү федеральнай суолун 42 килэмиэтиригэр, 34 саастаах эр киһи «Тойота Платц» массыынаны итирик туруктаах ыытан иһэн, утары суолга тахсан биэрдэ уонна «Мазда Бонго Френди» массыыналыын харсыста.

Харыстанарга аналлаах массыына сидиэнньэтин курун иилиммит буоланнар, суол саахалларыгар ким даҕаны эмсэҕэлээбэтэ.

Арыгыны иһии бэрэбиэркэтин түмүгэр, «Тойота» суоппарын үрбүт салгыныгар 0,97 мг/л арыгы баара билиннэ. Маны таһынан, эр киһи массыынаны ыытар бырааба суох эбит.

Бу сылга 5 ый иһигэр, өрөспүүбүлүкэҕэ итирик туруктаах суоппардар буруйдарыттан сылтаан, 30 суол саахала тахсыбыта. Бу түмүгэр, 5 киһи өлбүтэ уонна 37 киһи араас истиэпэннээх эчэйиини ылбыта. Бу суол саахалларын аҥаара Дьокуускай куоракка, 4 – Нерюнгрига, 3 – Өлүөхүмэ оройуонугар буолбуттар.

Ааспыт сылга холоотоххо, суол саахалын тахсыыта 15,4%, онтон сылтаан киһи өлүүтэ 66,7% үрдээбит. ДПС үлэһиттэрэ эрэгийиэммит суолугар уопсайа 1950 итирик туруктаах суоппар баарын булбуттар, балартан 292 киһитэ массыынаҕа арыгыны иһэн баран иккис төгүлүн олорбуттар.

Саахал аччааһыныгар суоппартан бэйэтиттэн уонна кини чугас дьонуттан, аймахтарыттан, кинилэр арыгы иһэн баран массыынаҕа олоруу кыһалҕатыгар эппиэтинэстээх сыһыаннарыттан тутулуктаах.

Госавтоинспекция үлэһиттэрэ суол саахала тахсыытын уонна суоппардар сөбө суох дьиссипилиинэлэрин туһунан иһитиннэриини ГИБДД дьоһуурунай чааһыгар суһаллык биллэрэргитигэр ыҥырар.

Итирик туруктаах суоппары көрдөххүтүнэ, бу нүөмэрдэргэ эрийэн биллэриҥ: 127, 02, 35-22-22.

Саха Өрөспүүбүлүкэтигэр ИДьМ ГИБДД салалтата

Тарҕат:

Санааҕын суруй