Киир

Киир

Украина сэриитэ Донецкайдааҕы оҕо төрүүр дьиэтин ытыалаабытын иһин, ООН үлэһиттэрэ сүөргүлээтилэр уонна улаханнык долгуйбуттарын биллэрдилэр. Кинилэр норуоттар икки ардыларынааҕы гуманитарнай быраабы чопчу кэстилэр диэн дьаарханаллар. Бу туһунан бэнидиэнньиккэ Арассыыйатааҕы информация эгиэнистибэтигэр генсек аан дойдутааҕы тэрилтэтин бэрэстэбиитэлэ Стефан Дюжаррик иһитиннэрбит.

«Биһиги сырдатар-иһитиннэрэр тэрилтэлэр Донецк роддомун ытыалаабыттарын туһунан сырдаппыттарын көрдүбүт. Бу олус улахан дьиксиниини үөскэтэр», - диэн кини билинэр. – Эйэлээх дьон баар сиригэр тахсар эстэриилэр, буолаары буолан мэдиссиинэ тэрилтэлэрин тыытыы – норуоттар икки ардыларынааҕы быраабы кэһии».

Эрдэ, бэнидиэнньик күн уоту тохтотор эрэсиими хонтуруоллуур уонна координациялыыр Холбоһуктаах киинин бэрэстэбиитэлистибэтэ РЗСО уонна араас калибрдаах артиллерияттан ДНР бөһүөлэктэрин уонна куораттарын олус элбэхтэ ытыалаабыттарын туһунан иһитиннэрбитэ. Маныаха, ордук чуолаан, холооно суох күүстээхтик уонна уһуннук Донецкэйи ытыалаабыттар эбит. Биир оннук ытыыга снаряд олохтоох оҕо төрүүр дьиэтигэр түбэспит, онуоха баһаар тахсыбыт. Ыксал быыһыгар төрөөбүт, төрөөрү сылдьар дьахталлары, эһээхий оҕолору күрэппиттэр.

Тарҕат:

Санааҕын суруй