Киир

Киир

Нерюнгри олохтооҕо куйаар ситимин нөҥүө таҥас сакаастаабыт уонна түөкүннэргэ түбэспит.

«Одноклассники» диэн социальнай ситимҥэ Нерюнгри олохтооҕо, 46 саастаах дьахтар удамыр сыанаҕа куурка атыыланар биллэриитин көрбүт уонна хайаан даҕаны атыылаһарга санаммыт. Бастаан ситим нөҥүө атыылааччыны кытта билсибит, онуоха киниэхэ тус дааннайдарын толороругар диэн анкыатаны, ол кэнниттэн харчытын ыытыахтаах баан каартатын нүөмэрин ыыппыттар. Онуоха, дьахтар 8 600 солкуобайы ыйыллыбыт каарта нүөмэригэр ыытан баран, табаарын кэтэспит. Аҕыйах хонук буолаат сымыйа атыылааччыттан табаар Турцияттан кэлэн иһэрин иһин, таможнятын сыанатын эбии 2 580 солкуобай төлүүрүн туһунан иһитиннэрии ыыппыт. Эмсэҕэлээччи ити суумманы төлүүрүгэр күһэллибит эрээри, табаара олох кэлэн быстыбатах. Дьахтар кэтэһэ сатаан баран, атыылааччы ситимин аккаунугар суруйаары гыммыта «заблокирован» диэн сурук тахсан кэлбит.

Ытыктабыллаах олохтоохтор! Интэриниэт нөҥүө сакаас оҥороргутугар олус болҕомтолоох буолуҥ, эрдэттэн биллэр маҕаһыын саайтарыттан эрэ сакаас оҥороргутугар уонна табаар суумматын эрдэттэн 100% төлөөбөккүтүгэр сүбэлиибит.

Источник: Арассыыйа Ис Дьыалаҕа министиэристибэтин Нерюнгритааҕы салаата

Тарҕат:

Санааҕын суруй

Бүтэһик сонуннар