Киир

Киир

Дьокуускайга хонтуруола суох хаһаайыннаах ыт оҕоҕо саба түспүт уонна иһиттэн ытырбыт, атахтарын хайыта тарпыт. Быһылаан атырдьах ыйын 6 күнүгэр, Крупскай аатынан уулусса 37-с дьиэтин олбуоругар тахсыбыт. Бу туһунан «Автодорожнай уокурук быраабата» МКУ салайааччыта Николай Обоюков иһитиннэрбит.

Уол оҕо ыттан куоппут уонна оҕо сыырыгар тахсыбыт. Быһылаан тахсыбытын туһунан кэпсээбэккэ сылдьыбыт, онон, кинини балыыһаҕа хойутаан илдьибиттэр.

 

«Оҕо аҕатын сайабылыанньатынан, ыттаах хаһаайыны административнай эппиэтинэскэ тардар туһуттан, полиция быһылаан туһунан матырыйаалы Саха Өрөспүүбүлүкэтин ветеринариятын Департаменыгар тиксэрбит», - диэн Автодорожнай уокурук Быраабатын салайааччыта этэр.

498 №-х «Кыыллары кытта эппиэтинэстээхтик сыһыаннаһыы» Федеральнай Сокуоҥҥа олоҕуран, дьиэ кыылларын көҥүл ыытан күүлэйдэтии көҥүллэммэт. Кыылы күүлэйдэтии олохтоохторго, кыылларга, физическэй уонна юридическэй сирэйдэргэ куттал үөскээбэт усулуобуйата булгуччу оҥоһуллубутун кэннэ көҥүллэниэхтээх.

Массыына суолугар, лифтэргэ, элбэх кыбартыыралаах дьиэлэр уопсай туттар сирдэригэр, олбуордарыгар, оҕо оонньуур уонна спортивнай былаһааккаларыгар кыыл көҥүл сылдьыа суохтаах.

Тарҕат:

Санааҕын суруй

Бүтэһик сонуннар