Киир

Киир

Уус Маайа оройуонугар Роспотребнадзор Саха сиринээҕи управлениетын сорудаҕынан командировкаҕа сылдьан ууга түһэн сураҕа суох сүппүт Александра Николаева дьыалатын салгыы сырдатабыт. Бэҕэһээ кини бииргэ айаннаабыт дьонун кытта сибээстэһэ сатаатыбыт. Уус Маайа оройуонун дьаһалтатыгар эрийбиппитигэр Владислав Атласов диэн дьаһалта дьыалаларын сүрүннүүр үлэһиккэ утаардылар. Кини социальнай ситимнэргэ тарҕаммыт сурук ис хоһоонун сорох өттүн сөбүлэспэтин биллэрдэ. Быһылаан кыттыылаахтарын туоһуласпыппытыгар оройуон баһылыгын бастакы солбуйааччыта Михаил Дьячковскай уоппускаҕа, Иван Архипов көрдөөһүҥҥэ, Андрей Слепцов үлэтигэр үлэлии сылдьалларын эттэ. Төлөпүөннэрин биэрбэтэ, ол гынан баран хайалара эмэ эрийэн туох буолбутун кэпсиэҕэ диэтэ. Бэйэлэрэ син биир эрийбэттэрин сэрэйэр буоламмын, үлэлии сылдьар киһилэрин булан кэпсэттим. 

"Үйэ тухары оспот баас буолла..."

Александраны кытта бииргэ сылдьыбыт Уус Маайа оройуонун Үөрэҕин управлениетын сүрүн экэнэмииһэ Андрей Слепцов, хантан тоҕо эрийэрбин билэн, куолаһа уларыйда, долгуйда. Ол да буоллар, тиһэҕэр диэри кэпсэттэ. 

- Андрей Юрьевич, Күп сэлиэнньэтигэр туох улахан кыһалҕа, ыксал баар буолан, куораттан инспектор ыҥырыылаах итиччэ ыраах айаннаатыгыт?

- Күп сэлиэнньэтин оскуолатын урукку дьиэтэ, саахалланар туруктаах буолан, икки сыллааҕыта сабыллыбыта. Саҥа оскуола тутулла илик. Ол иһин саҥа үөрэх дьылыгар, оҕолор үөрэнэр дьиэлэрин иниспиэктэргэ көрдөрөн, көҥүл ылар кыһалҕа турбута. Уус Маайа оройуоннааҕы борокуратууратын ирдэбилин толорон, оройуоммутугар Роспотребнадзор салаата сабыллыбытынан, куораттан Александра Николаеваны инспекторынан ыыппыттара. Миигин кинини кытта Күп сэлиэнньэтигэр Үөрэх управлениетын бэрэстэбиитэлин быһыытынан ыыппыттара.

- Дьэ, айаннаан истэххитинэ туох буолла?

- Тиэнтэнэн бүрүллүбүт «Крым» оҥочонон төрдүөн айаннаан испиппит. Иниспиэктэри кытта сэргэстэһэ, мин уҥа, кини хаҥас, олорбуппут. Эмискэ туохха эрэ охсуллааппытын кытары, оҥочобут уҥа ойоҕоһунан өрө тураат тимирэн барбыта. Уу анныгар биирдэ баар буола түспүтүм. Им балайга харбыалаһан, төбөбүнэн оҥочо анныгар охсуллан бараммын, нэһиилэ тыын ылан тахсыбытым. Чачайбыт уубуттан сөтөллө туран көрдөхпүнэ, икки киһибит эмиэ тахсыбыттар этэ. Оҥочо тумса эрэ көстөн баран сүппүтэ. Кыыс ханнаный диэн үөгүлэһэн бараммыт, тимирбитин өйдөөн тохтообуппут. Сүүрүктээх өрүс ортотуттан халыҥ таҥастаах кытылга харбаан тахсар хайдах даҕаны кыаллыбат этэ. Чаас аҥаара курдук ууга сырыттахпытына, үүтээннэригэр баран иһэр Архиповтар тохтоон ылбыттара.

- Бары быыһыыр сэлиэттээх сылдьыбыт буоллаххытына, Александра тоҕо кыайан тахсыбата? Охсуллууга хайдах буолбутун көрбөтөҕүҥ дуо?

- Хомойуох иһин, көрбөтөҕүм. Охсуллууга оҥочо тумсун диэки баран хаалан эчэйиэн эбэтэр тиэнтэттэн иҥниэн, онтон оҥочону кытта былдьаммыт буолуон сөп. Ол эрээри мин оҥочо иһигэр сырыттахпына ким да суох курдук этэ. Аттыбар ким эрэ баара буоллар, илиим далааһынынан таарыйыам этэ буоллаҕа. Таҥаһым халыҥ буолан, хамсанарга, тыын ылан тахсарга ыарахан этэ.

- Тыыны ким ыытан испитэй? Төһө түргэнник айаннаабыккытый?

- Оҥочону дьаһалта Гражданскай оборонаҕа уонна Ыксаллаах быһыыга-майгыга исписэлииһэ Иван Архипов ыыппыта. Орто тэтиминэн айаннаабыппыт дии саныыбын. Улахан ардахтар кэннэ Алдан уута туолан турар буолан, бөҕө-сыыһа элбэх этэ. Онон устан иһэр маска охсуллубут буолуохтаахпыт.

- Уу туолан, бөхтөнөн-сыыстанан турдаҕына айанныыр көҥүллэнэр дуо? Айанныаххыт иннинэ ыксаллаах быһыыга-майгыга хайдах хамсанар туһунан инструктаж ыытыллыбыта дуо?

- Алларанан суол Уус Майаҕа эрэ диэри баар. Онтон атын пууннарга олохтоохтор уунан сылдьаллар. Ити күн туох да хааччахтааһын, сэрэтии суох этэ. Уонна кыһалҕалаах, сорудахтаах дьон үйэ тухары итинник сылдьан кэллэхтэрэ дии. Маннык быһылаан биирдэ эмэ тахсааччы. Оттон оҥочонон айаҥҥа хаһан ким инструктаж ыыппыта баарай...

- Архиповтар үүтээннэригэр ол күн сибээс суох этэ диир эбиккит...

- Оннук. Тоҕо эрэ чопчу ол киэһэ суотабай сибээс суох этэ. Сарсыарда 5 чааска биирдэ кэлбитэ.

- Эһигини арыгылаабыттара буолуо диэн сабаҕалааһын баар. Арыгыны иһиигэ бэрэбиэркэни ааспыккыт дуо?

- Сарсыарда 7 чааска Уус Маайаҕа тиийбиппитигэр тута доппуруостаабыттара уонна арыгыны иһиигэ бэрэбиэркэҕэ ыыппыттара. Бэрэбиэркэ арыгыны иһии суоҕун көрдөрбүтэ.

- Быһылаан кэннэ үлэҕэр хаһан тахсыбыккыный? Ыалдьыбатаҕыҥ дуо?

- Тымныйыы баар бөҕө буоллаҕа. Бүөрүм тоҥмут этэ. Биир эрэ күн үлэлээбэтэҕим. Үлэбэр кэллэхпинэ, санаам арыый чэпчиир курдук. Эдэр киһи, ыал ийэтин олоҕо быстыбытыттан уонна оҕолорбун тулаайах хааллартыы сыспыппыттан уйулҕам хамсаата. Бу иэдээн миэхэ үйэ тухары оспот баас буолла.

- Көрдөөһүҥҥэ сылдьыбытыҥ дуо?

- Суох. Сылдьыбатаҕым. Кыыс дьонун аҕыйах хонуктааҕыта көрсүбүтүм. Картаҕа экстрасенстар эппит сирдэрин ыйыппыттара. Өрүһү үчүгэйдик билбэт, балыксыт, булчут буолбатах буоламмын, кыайан тугу да эппэтэҕим. Дьаһалта кыыс дьонугар көрдүүр үлэҕэ кыаҕа тиийэринэн көмөлөһөр.

- Эн санааҕар, саҥа үлэлээн эрэр, уопута суох эдэр кыыһы маннык командировкаҕа ыыппыттара төһө сөптөөҕүй?

- Тэрилтэ хайа үлэһитин ыытарын бэйэтэ быһаарар гынан баран, маннык ыарахан суоллаах-иистээх ыраах сиргэ уопуттаах үлэһити, эр киһини ыытыахтарын сөп этэ. 

 Этиҥ эттэҕинэ эрэ кириэстэнэллэр дуо?

Оройуон дьаһалтата көрдүүр үлэҕэ көмөлөһөрүн, олорор сиринэн, уматыгынан хааччыйарын туһунан дьаһалта дьыалаларын сүрүннээччи Владислав Атласов төлөпүөнүнэн кэпсэтиигэ эмиэ эппитэ. Ол эрээри, биһиги сэниэтэ суохтук, бытааннык баран испит көрдөөһүн Александра эдьиийэ Диана тарҕаппыт суругун кэннэ биирдэ күүһүрбүтүн билэбит.

Холобура, атырдьах ыйын 29 күнүгэр түөрт эрэ оҥочонон баара-суоҕа аҕыс эрэ киһи көрдүү сылдьыбыт буоллахтарына, атырдьах ыйын 30 күнүгэр тоҕус оҥочону уонна сүүрбэ икки киһини эбии ыыппыттар. Онон, «Эр киһи этиҥ эттэҕинэ эрэ кириэстэнэр» диэн нуучча өһүн хоһоонугар дылы, көрдүүр үлэҕэ икки эрэ олохтоох киһини биэрэн олорор дьаһалта, айдаан тахсыбытын эрэ кэннэ күүстээх хамсаныыны оҥордо.

Оттон өлүү быалаах оҥочо аныаха диэри көстө илик. Туолан турар өрүс дириҥ далайыгар хаһан да тахсыбаттыы түһэн сытара буолуо дуо?

Силиэстийэтэ да суох көстөн турар чахчылар

Роспотребнадзор Саха сиринээҕи салаата бачча тымныы күһүн сатыылаан турдаҕына, үлэлээбитэ ый да буола илик эдэр үлэһити өрүһүнэн 3-4 чаастаах оҥочонон айаҥҥа ыыппытын тус бэйэм холус быһыыга тэҥниибин. Бачча улахан тэрилтэҕэ итинник айаҥҥа сөптөөх биир эр киһи көстүбэтэҕэ сөхтөрөр. Оннукка сөптөөх киһи чахчы суох буоллаҕына, салайааччы тоҕо бэйэтэ барбат? 

Маны таһынан, дьону кыыһы кытта айаннаан испит  үс дуоһунастаах эр киһи эдэр кыыһы тоҕо быыһыы сатаабатылар диэн ыйытыылар үүйэ-хаайа туталлар. Кинилэр быһылаан туһунан 12 чаас буолан баран биирдэ биллэрбиттэрэ эмиэ араас куһаҕан санаалары үөскэтэр. Суһал сулууспалары хайа да ыксаллаах-быһыыга майгыга 101 уонна 112 нүөмэрдэринэн ыҥырыахха сөбүн оннооҕор алын сүһүөх үөрэнээччитэ билэр. Бу өҥө оннооҕор харчыта, сим-картата да суох төлөпүөҥҥэ үлэлиир. Ону ГО уонна ЧС сүрүн исписэлииһэ Иван Архипов билбэт буолуон сатаммат. Онон, үс дуоһунастаах эр киһи «сибээс суох этэ, ол иһин сарсыарда 5 чааска биирдэ биллэрбиппит» диэн этиилэрин дьон төрүт ылыммат. Маны сэргэ, кини туолан турар өрүһүнэн уһун айаҥҥа холустук сыһыаннаспытын бэлиэтииллэр. Кини бастакытын уунан айанныыр кыыска туох даҕаны инструктаж ыыппатаҕа эмиэ улахан кэһии буолар диэн этэллэр.

Кэм-кэрдии көрдөрүө

Сүппүт киһи көстө илигинэ кырдьыгы булар хаһан баҕарар уустук. Онуоха туох барыта кэмнээх-кэрдиилээх. Командировкаҕа ыыппыт тэрилтэ быһылааны силиэстийэлиир хамыыһыйата уон биэс күн иһигэр үлэлээн бүтүөхтээх. Ону кэтэспэккэ, салайааччы аатыгар ыйытыылардаах сурук ыыттыбыт. Онно нэдиэлэ бүтүүтэ хоруйдуохпут диэн эрэннэрдилэр. Быһылаан матырыйаалынан Арассыыйа Силиэстийэлиир кэмитиэтин Илиҥҥи регионнар икки ардыларынааҕы тырааныспарга силиэстийэлиир управлениетын Саха сиринээҕи силиэстийэлиир салаата үлэлиир.

Хаартыска: https://vsegda-pomnim.com

Быһылааны сырдатта КҮНДЭЛИ.

Тарҕат:

Сэҥээриилэр

Итиччэ
+7 Итиччэ 31.08.2022 21:19
ыраах сиргэ командировка5а ким да барыан ба5арбат буолан куруе намыhахтыы саца улэ5э киирбит улэhити аккаастамматын билэн ыыталлар. Ессе "испытательный срок" диэн усулуобуйайаахтара буолуо. Дьицэ кыра о5олордоох, ессе ацардас ийэни хонуктаах командировка5а куhэйэр бырааптара суох да, чуолаан итинник ийэ улэтэ суох хаалартан ордук куттанарынан туhанан хаалбыттар...
Ответить
Сөпсүһэбин иэтиигэр,
+5 Сөпсүһэбин иэтиигэр, 31.08.2022 21:59
Сөпсүһэбин ити этиигэр, ханнык баҕар тэрилтэҕэ инник баар, атын да кэһиилэр элбэхтэр, ону ким да үмсэ илигинэ көрбөттөр, кэтээбэттэр, ол иһин араас куһаҕан кутарҕымнаах быһылааннар тахсаллар.
Ответить
Илья
+16 Илья 31.08.2022 21:47
Ити дьон кистииллэр, эппэттэр барытын. Кытаанахтык доппуруостуохтарын наада, полиграфка эмиэ. Следствие мөлтөх.
Роспотребтары эмиэ улахан эппиэккэ тардыахха, салаайыччытын устуохха наада.
Ответить
Куустээх Костокуун
0 Куустээх Костокуун 31.08.2022 23:31
Сибээс суох этэ диэн сымыйа. Кунус улэ кэмигэр буолта буолуо ди авария. Онтон ити дьон сарсыннаанны эрэ кунугэр тиийбиттэр дуо сирдэригэр ? То есть уже барытын кэпсэтэн баран тиийдэхтэрэ ди. Дьыала харана эбит олох. Зам главы инин баар. Тугу эрэ гыннахтара кыыьы... аньыылара бэйэлэригэр тиийиэ ! Оччо иккис мотор кэлбитин кэннэ тозо сразу топтору барбатылар ? Ким кинилэргэ сэбиэттээн биэрбитий ол сразу тест на ао ааьын диэн ? Онно да барыта аймахтара олордохторо. Гадалке не ходи. Куорат ыраах, айдаан тахсыан диэри хайдах базар дьаабыланыахтарын соп бо ! Дьэ бээ ...
Ответить
Амма уола
+7 Амма уола 31.08.2022 23:49
Кырдьык тугу эрэ кистииллэр ,олох учуейдук престыахха наада биир биир,хайдах иккис моторка тиийэн кэлбитэй эмискэ баайы ити дьону ыла кэллэ5э ди,дьыала иьэ харана
Ответить
Оҕонньор
+3 Оҕонньор 31.08.2022 23:50
Мин эмиэ отой сөпсөспөппүн кинилэр көрдөрүүлэринэн. Криминал буолбут курдук саныыбын. Хайдах 12 чааһы быһа тугу гыммыттара ханна хайдах кистээбиттэрэ кэпсэппиттэрэ биллибэт. Хоту дойдуга айан хаһан да арыгыта суох буолбат эбит этэ. Оннооҕор массыынанан. Бэйикэй,Таҥара итиэннэ Айылҕа барытын көрөн турар.
Ответить
Саарбахтыыр
+2 Саарбахтыыр 01.09.2022 03:10
Ити ыарахан тубэлтэ буолан ааста. Ити киьи кэпсээбитэ кэккэ саарбахтыыр санаалары уескэтэр. Оночо тимирэн эрэрин кербутум диэбит, эмиэ да им балайга харбыалаьан кытылга тахсыбытым диир. Им балай диэн хабыс харана диэн суолталаах этэ ди. Оннукка оночо тимирэн эрэрин хайдах кербутэй? Аны туран ерус ортотунан устан истэхтэрэ, оночо туннэстибитин кэннэ кытылга халын танастаах харбаан тахсыахтарыгар дылы оночо саахалламмыт миэстэтигэр туран хаалбыт курдук ейдеетум. Хотя сууруктээх ерус ортотуттан халын танастаах тахсар ыарахан диэбит. Сууруктээх ерус оночону ыраах илдьэр ини киьи сатаан кербет гына, ол дьоммут хаьан кытылы булан булумахтанан тахсыахтарыгар дылы. Чэ мин санаам ити курдук. Эьиги туох дии саныыгыт?
Ответить
Ыччат лидера
+1 Ыччат лидера 01.09.2022 04:18
Бу дьыала иьэ харана мин санаабар ити дьону бир биир престиэхтэрин наада тойон да боллун тох да боллун
Ответить
Кассиопея
0 Кассиопея 01.09.2022 06:01
Учугэй силиэстийэлээччи тугу эрэ кистиир дьону тургэнник араас боппуруостары биэрэн,муннукка ыган, билиннэрэр кыахтаах. Ити дьон явно недоговаривают,ол якобы случайно ааhан испит дьону бэйэлэрэ телефонунан ынырбыт буолуохтарын соп.Уонна дьин'эр он'очонон сылдьыбыт сырыылара буоллага,итинник тун'нэстиэ суохтаахтар этэ,он'очону бэйэлэрэ тимирдибит болохтарын соп,ол сарсыардаанн'а диэри тугу багар гыныахтарын соп испит да боллахтарына,онтулара ааhaр.
Ответить
Дьөгүөр.
+3 Дьөгүөр. 01.09.2022 07:09
Төттөрү төннөн тоҕо тыллаабатылар? Эбэтэр саатар сибээс хабар сиригэр тоҕо төннүбэтилэр? Ол аата аргы испит,итирик туруктаах буолуохтарын сөп. Мотуору ыытан испит ЧС үлэһитэ буруйа көстөн турар. Атын аргыстарын кытта кэпсэппит, тугу кистииллэрэ биллэр. Ол кэлбит дьону кытта кыыһы көрдүү да сатаабатахтар, бэйэлэрин тыыннарын эрэ өрүһүммүттэр.
Ответить
Аинааа
+3 Аинааа 01.09.2022 09:46
Сибээс да суох буоллагына 112 эрийэн этиэхэ соп этэ ! Кистиилэр , полиграф наада ,
Ответить
Амма уола
+2 Амма уола 01.09.2022 11:18
Точно криминал олох жоско тоьутуохха наада ити дьону
Ответить
Эьргэй
0 Эьргэй 01.09.2022 12:35
Олох сымыйалааман!!!ити101,112 улэлээбэт олох,связь баар эрэ сиригэр хабар!!!! Олох сымыйалааман!!!!! Биьи былырыын февраль ыйга тикситтэн айаннаан иьэммин моря Лаптевых тибиигэ тубэьэн биир нэдиэлэ буксуйан олорбуппут онно ити 101 уонна 112 хуй да улэлээбэт,хаппат этэ!!!!!
Ответить
Куустээх Костокуун
+2 Куустээх Костокуун 01.09.2022 17:02
Усть майа это тебе не арктика акаары ! Это южная Якутия ! Рядом с амгинским и алданским районом. Ол аварияламмыт сирдэригэр тиийэн следственный эксперимент оноруохха наада. Лодканы осмотрдуохха наада. Есть ли следы удара. Кыыьы булуохха наада срочно. Экспертиза трупа покажет. Охсубут инин буолуохтарын соп. Ол иккис мотор дьоннорун жестко прессовать надо. Туннэстибит сирдэрин, ууну хаары барытын осмотрдуохха наада. Мас ду тимир ду баар дуо диэн. Зам главы тозо куттанан отпусказа куотта ?! Ити дьонтон барыларыттан биир эрэ киьи ити тупой баайы инфо биэрбит. Кэпсэппиттэр явно уже !
Ответить
Айаал
+4 Айаал 01.09.2022 13:47
Наһаа хомолтооох түбэлтэ тахсыбыт. Быһылааҥҥа түбэспит дьон тугу эрэ ситэ эппэттэр быһыылаах. Маны күүстээх силиэстийэ быһаарыан наада. Алдан эбэ дохсун, күһүҥҥү тымныы ууга киһи уһуннук барбат. Сиһиҥ силиитэ тоҥно да хам ылларан өлөҕүн. Хайдах чаас аҥара устат сылдьыбыттарын өйүм хоппото.
Ответить
Хоту
0 Хоту 02.09.2022 05:48
Бог судья, рано или поздно накажет виновных,соболезную родным погибшей девушки
Ответить
Долгун
+1 Долгун 02.09.2022 05:50
Олук булулла илигинэ, маннык таайбаран ор буолуо. Тымныы ууга час анарын быьа уста сылдьар диэн эмиэ саарбах согус. Следствие учугэйдик улэлии турар ини диэн эрэнэбит.
Ответить
Ийэ
0 Ийэ 03.09.2022 01:33
Кыыс барахсан косто охсоро буолла ити дьону миэстэлэрин буллара охсуо этилэр таах мээнэгэ жилеттах киьи тоьо да ууга тумтэр син быьана сатыа этэ ити киьи тоботунэн оночого охсуллубут ол охсуллубутун кордордун дьиэлэринэн улэлэринэн сылдьан допростуохтарын наада наьаа да бытаан барыта сып сап буолан испэтиттэн киьи аьыйар олох барыларын улэлэритэн ууратарга РП тойонун эмиэ допростурга того инник эдэр кыыьы бачча ыраах ыыппытай ити сутук кэннэ сылаас суорганна утуйаллара боло сирэйэ харага суох кыыс дьоно тоьо эрэ айманан иэдэйдилэр тулуйун тутуьун!
Ответить
Сур
0 Сур 04.09.2022 23:28
Сигнал букатын суох буоллаҕына телефон хайдах үлэлиэҕэй. Оннук эбитэ буоллар табаһыттар, сылгыһыттар ыксал буоллаҕына вертолету көҥдөй телефонунан дьөлө хаһыытаан ылыа этилэр буоллаҕа. Спутниковай сибээстэммэккэ-таймалаимакка.
Ответить
Michelle
0 Michelle 14.11.2022 17:23
This is very fascinating, You're an excessively professional blogger.
I've joined your feed and look ahead to searching for extra of your wonderful post.
Also, I've shared your site in my social networks!


My web site - اسعار شحن
شوب اند شيب: http://urbino.fh-joanneum.at/trials/index.php/User:Darryl70E5589
Ответить
Lucia
0 Lucia 16.11.2022 22:15
It is appropriate time to make some plans for the future and it's time
to be happy. I have learn this put up and if I may I wish to
recommend you few interesting things or advice.
Maybe you could write next articles relating to this article.
I wish to read even more issues about it!

My web-site اسعار شحن شوب
اند شيب: https://topsearch24h.com/search/Is+Touring+Part+Of+Your+Life%3F+Consider+These+Ideas%21
Ответить

Санааҕын суруй